Getxoko Udaltzaingoak udalerri horretako pertsona bat atxilotu zuen joan den uztailaren 16an, ostiralean, osasun publikoaren kontrako delitu bat egotzita. Atxiloketa aipatu ez duten kale nagusi batean burutu zuten, aipatutako pertsona kokaina saltzen ari zenean, udal iturrien arabera. "Atxiloketa unean Udaltzaingoak diru kopuru garrantzitsua atzeman zion atxilotutakoari, ziurrenera salmentan ateratakoa, eta baita droga-kantitate bat prest saldu ahal izateko", Getxoko Udalak jakinarazi duenez. Udaltzaingoak "azken bi hilabeteotan burututako ikerketa lanaren ondorioa" izan da atxiloketa, denboraldi horretan atxilotutakoaren etxebizitza zelatatu baitu. Bertara, egunero toxikomano ugari joaten ziren droga erostera. Etxebizitzaren miaketan, hainbat sustantzia estupefaziente aurkitu omen zituzten, hori mozteko, balantza eta manipulatzeko produktu batzuekin batera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun