Getxoko Falangearen komunikatua
Getxoko Falangeak bere azken ekintzak sortutako oihartzuna eskertu gura dau eta, pentsatu ahal danaren kontra, oilaskoagaz ez dauela inor mehatxatu gura izan argitzen deutsue. Ekintza honegaz Getxoko ezker abertzaleari martxan jarraitzen dogula bakarrik esaten deutsogu eta oilaskoak bururik ez edukitzea anekdotikoa izan zala jakinarazten dogu.
Indarkeriaren bidea gure bidea ez dala ere esan gura dogu eta Zigor Goikoetxearen baserriak jasan eban erasoa gaitzesten dogula azpimarratu gura dogu. Beraz, Getxoko Falangeak ez dauko zer ikusirik baserrian jazo zanagaz.
Komunikatu hau Branka eta Imanol Landa alkatea agurtzeko ere aprobetxatzen dogu.
Hurrengoan, gaizki-ulertzerik ez egoteko, oilaskoaren digestinoa laguntzeko Branka elkartearen atean dozena bat pastel eta botila bat ardo ipiniko dogu eta mezu berberagaz: "Kontuz. Getxoko Falangea. Getxoko Falangearen Oparia."
Gora Getxo espainiarra! Gora Espainia! Gora Getxoko Falangea!
Getxoko Falangea
Pasa den astelehenean Itzubaltzeta / Romoko Branka kultur elkarteko atean utzitako oilasko hila eta "kontuz" ibiltzeko mezua bere gain hartu du berriro ere Getxoko Falangeak. Gaur goizean Getxo udalerriko EAJri, Sare Antifaxistari eta UKBERRI.NETi bizkaieraz bidalitako oharrean, ironia handiz mintzo da talde espainol ultraeskuindarra. Falangisten arabera, "oilaskoagaz ez" dute "inor mehatxatu gura izan" baizik eta "Getxoko ezker abertzaleari martxan jarraitzen" dutela gogoratzea. Bestalde, Falange y Tradicion erakunde armatuarekin loturarik ez eta bere ekintzak, gutxienez Goikoetxea eta Basabetarren baserria erretzen saiatu zirena, gaitzetsi dituzte Getxo udalerriko falangistek. Bide batez, Branka kultur elkartea eta atzo mehatxuak gaitzetsi zituen Imanol Landa alkatea agurtu dituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun