Ikastaro horien bidez, gurasoek "drogamenpekotasunak ezagutzeaz gain, aita-amek prebentzio-agente bezala jokatzea lortu nahi da, seme-alabei osasunaren aldeko jarrerak eta baloreak igor diezazkieten, seme-alabei etorkizunean arazoak sor ditzakeen kontsumoari aurre egiteko bizimodu positiboak edukitzera laguntzeko", azpimarratu du Elena Coria Gizarte Zerbitzuetako zinegotziak. Ikasturte horretan landutako gaiak hauek izan dira: “Sariak eta zigorrak”, “Drogei aurre egin”, “Nerabetasunarekin biziz”, “Psikologia aitentzat eta amentzat”, “Mugak eta arauak familian” eta “Emozio-adimena”.
Noiz sortu zen?
Gurasoen elkarteei eta ikastaroetan parte hartzen dutenei beren seme-alabei lotutako alor desberdinetako (heziketa, familia eta gizarte) gaiei buruzko ezagutzak, ahalmenak eta esperientziak emateko helburuarekin jarri zuen martxan ekimena Getxoko Udalak. Ildo horretan, 1994-1995eko ikasturteaz geroztik antolatzen dabiltza Gurasoen Eskola. Horrekin lotuta, "Semealabak" udal argitalpenak Gurasoen Eskolaren heziketa jardueren osagarria izan nahi du, Getxoko familien arteko baliabide bezala, dinamizatze eta partaidetza bultzatzeko asmoz. Urtean birritan, argitalpenaren 6.700 ale kaleratzen dira, euskaraz eta espainolez, eta izaera hezitzailea du. Getxo.net webgunean ere ikus daiteke.
Guztira, 561 aita-amek parte hartu dute Getxoko Gurasoen Eskolan, amaitu berri den ikasturtean zehar udalerriko 14 ikastetxetan antolatutako 140 saioetan. Aurten, aurreko ikasturtean baino 20 bat lagun gehiago izan dira. Ikastaroak udalerriko hezkuntza zentroetako gurasoen elkarteen hiru federazioek antolatu dituzte, hau da, FAPAG (Lehen Hezkuntzako herri ikastetxeak), Elkargarri (Bigarren Hezkuntza publikoa) eta El Pupitre (hezkuntza pribatua), Getxoko Udalarekin elkarlanean. "Helburua gurasoei laguntzea da beraien seme-alaben artean ahalmenak, jarrerak eta bizimodu osasuntsuak sustatzeko, etorkizunean drogen gehiegizko kontsumoari aurre egin diezaioten", tokiko iturriek adierazi dutenez. Ikastaroak doakoak izan dira. Argazkian, lehenengo zein bigarren hezkuntzako ikasleen aita-amei zuzenduta dago ekimena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun