Goiz erdian, ekoizle askok nahitaezko hitzordua izango dute, Idiazabal jatorrizko deitura, barazki eta landareen lehiaketa tradizionalen eskutik. Urtez urte partaideak lehiaketa hauetan lehiatzen baitira. Merkatu honetako produktuen kalitate eta dibertsitatea pizgarri nagusiak dira bisitarientzat, eta horiei esker, Algortako San Lorentzo Bizkaiko azoka garrantzitsuenetako bat da. Iaz, 19.000 lagun baino gehiago erakarri zituen, Getxo Kultur Etxeak emandako datuen arabera.
Kontzertua
Eguna bukatzeko, gaueko 10etan, Biotz-Alai abesbatza San Lorentzoko jaiari amaiera bikaina emateaz arduratuko da. Horrela bada, bere ohiko kontzertua emango du Algortako abesbatzaren izena daraman plazan bertan. Ekitaldi honetarako sarrera doakoa izango da.
Urtero bezala, bihar, abuztuak 10, San Lorentzo azoka izango da protagonista Algortan, Getxoko Kultur Etxeak eta BBKk antolatuta. Aurten, obrak direla eta, nekazaritza feriaren postuak bi kokapenetan banatuko dira: Biotz Alai plazan eta Algortako batzokiko patioan, hurrenez hurren. Bertan, 78 ekoizle banatuko dira 92 postutan. Ohikoa denez, merkatua goizeko 10:00etan zabalduko dute eta, gutxi gorabehera, 14:30ean itxi. Gauez, 22:00ak aldean, Biotz-Alai abesbatza algortarrak jaialdia itxiko du urtero talde horren izena duen plazan eskaini ohi duen kontzertuaren bitartez. Azokako bisitariek goiz osoan zehar euskal baserriko produktu tipiko ugari erosi ahal izango dituzte, honakoak esaterako: barazkiak, frutak, gaztak, pateak eta ahatearen deribatuak, ogia, pastelak, eztia, sagardoa edo txakolina, bai eta apaindurako landareak ere, urdaitegiko produktuak eta abar luze bat. Trikitilari eta gaitari taldeak egongo dira jai giroa animatzeko. Horrela, bertaratzen direnek taloa txorizoarekin, sagardoa edo bestelako produktu batzuk dastatu ahal izango dituzte kokaleku bakoitzean dauden txosnetan. Argazkian, San Lorentzo azoka iaz / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun