Bi urteetan istripu ugarienak martxan zeuden ibilgailuen txokeengatik izan ziren, eta ondoren, beste ibilgailu baten aurka talka egiteagatik, errepidean oztopoen kontra jotzeagatik eta harrapaketengatik. Argiketa Unitateko udaltzainek burututako txosten teknikoen arabera, trafiko istripuen arrazoiak izan ziren, lehenago, prebentzio neurri beharrezkoak ez hartzeagatik eta, horren ondotik, seinaleak ez errespetatzeagatik eta gehiegizko abiaduragatik.
Hildakoak izan ez arren, 2008an 9 lagun larri eta 195 arin zauritu izan ziren. 2009an, berriz, 10 eta 156 izan ziren, hurrenez hurren, larri eta arin zauritutakoak. Udaltzaingoak artatu zituen istripuen kopurua (gehienak hiri barruan), Ertzaintzak artatutakoekin batera (Foru Aldundiaren eskumeneko errepideetan edo autobian) biktimak eragin zituzten istripuak, guztira, 2008an 240 izan ziren eta 2009an 187.
Imanol Landa Getxoko alkateak gogoratu duenez, “Herritarren Segurtasun sailak Eusko Jaurlaritzarekin kolaboratzen du urtean zehar aurrera eramaten dituzten Bide Segurtasuneko kanpainetan. Udaltzainek egiten duten radar, alkoholemia, segurtasun elementu, ziklomotor eta motozikleta... kontrolekin, herritarren kontzientziazioan eragiten jarraitu nahi dugu eta, horrekin batera, gure azkeneko helburuan, istripuen kopurua murrizten jarraitu”.
Trafiko istripuetan iaz inplikatutako ziklomotorren kopuruak behera egin du nabarmenki 2008koaren aldean, Getxoko Udaltzaingoaren 2009ko txostenaren datu estatistikoen arabera. 2008an istripuetan inplikatutako ibilgailuen %8,7 ziklomotorrak izan ziren eta 2009an %4,90. Guztira, iaz 584 trafiko istripu izan ziren udalerriko kaleetan eta aurrekoan 596. Beraz, istripuen kopurua apur bat jaitsi dela esan daiteke. Harrapaketei dagokienez, 2008an 43 izan ziren eta iaz 33. Auzoei dagokienez, bi urteetan istripu gehien honako toki hauetan izan dira: Getxon, Algortako erdigunean, Negurin, Villamonte aldean eta Itzubaltzeta / Romon. Ibilgailu motei dagokienez, 2008an %68 autoak izan ziren; %8,76 ziklomotorrak eta %8,57 furgonetak eta 2009an, ordea, %71,40 autoak, %9,70 furgonetak eta %4,90 ziklomotorrak. Argazkian, auto istripu bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun