Herrialde txiroekiko elkartasun konpromisoa adierazteko, 2000tik aurrekontu-partida bat bideratzen du garapenerako lankidetza proiektuak finantzatzeko Leioako Udalak. Tokiko iturriek adierazi dutenez, "helburua irabazi-asmorik gabeko erakundeen bidez herrialde pobreak garatzea da". Horretarako, aurtengo diru laguntzak bideratzeko proiektuen aurkezpen epea zabaldu du jada. Datorren irailaren 9ra arte egongo da zabalik. Laguntza horiek jasotzeko, erakundeek hainbat baldintza bete beharko dituzte, hala nola, egoitza Bizkaian egotea eta Leioan bazkideak izatea. Gainera, elkarteak eta erakundeak irabazi asmo gabekoak izan beharko dira eta Hirugarren Munduko garapenerako lanak egin beharko dituzte. Argazkian, Leioako udaletxea / © Leioa.net.
Laguntza horiek eskuratu nahi dituzten elkarteek euren izena eta datuak eman behar izango dituzte Udaleko Erregistro Orokorrean, lanegunetan 8:30etik 13:30era. Gainera, elkarteek kontutan izan beharko dute, beti bezala, hainbat partida ezberdin izango direla. Hau horrela, banakako partida bi daude nominatiboak direnak, hau da, dagoeneko esleituta daudenak Dominikar Errepublikan eta Saharan lan egiten duten talde birentzat, herrialde bi horiek Leioarekin anaituta daudelako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun