Berangoko Milia urriaren 2an jokatuko dute
2010ko abu. 14a, 14:44
Urriaren 2an, larunbatarekin, izango da Berangoko Miliaren hurrengo edizioa. Aurten, kategoria guztietako 300 atleta inguru parte hartzea espero dute antolatzaileek. Hala ere, "ez da parte-hartzaileen kopuruaren arabera handietsi daitekeen proba. Batez ere egin behar den distantzia da nabarmenena", antolaketaren arduradun Josu Hernandezek azaldu duenez. Muga oso goian jarriko du berriro ere Berango Atletismo Taldeak. Izan ere, bi urtez jarraian, Espainiako hirugarren probarik onena izendatu dute aipatu distantzian Berangokoa. Beti egon da lehenengo bosten artean. Argazkian, Berangoko Nazioarteko Miliaren aurreko edizio bat / © Berangoko Albisteak.Berangoko Milian puntako atletak lehiatu dira; Europako azken txapelketan dominak lortu dituztenak, hain zuzen ere. Besteak beste, urrea eskuratu zuen Arturo Casado izango da. Baina, beste batzuk ere badaude: azken txapelketa kontinentalean lehenengo postuetan izan diren Olmedo, Jose Luis Blanco eta Reyes Estevez, hurrenez hurren. Hala ere, "ezin daiteke ahaztu sona antolaketaren kaletatik ere datorkiola Miliari", Hernandezek nabarmendu duenez. Aurten, proben arteko ordutegiak luzatuko dituzte. Gauzak horrela, emakumeen elite mailako irteera 19:05ean izango da; eta gizonezkoen elite mailakoa 19:20an.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun