KAE ligako proba eta emakumeen estropada jokatuko dituzte larunbatean Erandion
Kantauriko Arraun Elkarteak (KAE) eta Lutxana taldeak antolatuta, Erandioko ikurrina jokatuko dute larunbat honetan, hilaren 21ean, eguerdiko 12:30ean. Ibaizabal ibaian, Altzaga parean, egingo dute estropada KAEren 2.mailan dauden hamasei taldeak, hiru itsas-milia edo 5.556 metro denborarik laburrenean egiteko xedearekin. Bi modalitatetan jokatuko dituzte probak: lehena banakako erlojupekoa izango da, lau luzetan; eta bigarrena lau luze hiru ziabogarekin, bi txandatan. Traineruak, aipatu bezala, bi tandatan aterako dira eta irteeraren hurrenkera Kastroko ikurrina egin ondoren geratu den ligako klasifikazioaren ordenaren alderantzikoa izango da. Beraz, Erandioko Lutxana A.E. eta Areetako Raspas A.E. izango dira lehenak irteten. Banderaz gain, diru-sariak emango zaizkie arraun taldeei, klasifikazioaren arabera. Aipatu, berrikuntza gisa, fisioterapeutak egongo direla behar dutenentzako eta janaria parte-hartzaileentzat. Argazkian, Lutxana taldea / © Lutxana Arraun Taldea.
Bestalde, KAEren 2. mailako estropada puntuagarriaren aurretik, hau da, goizaldeko 12etan, emakumezkoen traineru proba izango da. Bertan Bizkaia, Orio eta Torrevieja ibiliko dira arraunean bakarkako erlojupeko 1,5 miliako edo 2.778 metroko distantzia eginez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun