Ordu beteko emanaldia eskaini ostean musika jartzeari ekin zioten berriro ere lehen aipatuta disc-jockeyak, ondoren Kema 'n Kaya taldearen emanaldiaren bigarren zatiari bide emateko. Bigarren saio horretan, "backing band" moduan ibili ziren musika oinarriak jotzen, eurekin batera Samurai, Olaia, Mc Txango, Manny Lion eta Novato abeslariak kantatzen zuten bitartean.
Kema 'n Kaya Reggae Band
Duela bi urte sortutako talde gaztea da, Getxoko eta Berangoko 9 neska-mutilek osatua. Batez ere reggae musika jorratzen dute, baina haiek aitortu dutenez, R&B, dancehall, roots eta horrelako musika moten influentziak dituzte. Ingelesez, espainolez eta euskaraz kantatzen dituzte haien abestiak. Momentuz ez dute ezer grabatu, baina lehenbailehen zer edo zer grabatzea espero dute. Atzokoa euren lehen kontzertua izan zen, nahiz eta lehenago lagunen artean, txoko batean emanaldi bat eskaini zuten. Dagoeneko hainbat proposamen jaso dituzte Sopelan, Bilbon eta Urdulizen jotzeko, besteak beste. Haiekin kontaktuan jartzeko: kemaykaya@gmail.com
Kema 'n Kaya Getxoko reggae musika talde berriak lehen kontzertua eman du Sopelan
Getxoko Kema 'n Kaya Reggae Band talde gazteak bere lehenengo musika emanaldia eskaini zuen atzo, osteguna, Sopelako Sunset tabernan. Gau osoan zehar reggae musikaz gozatzeko aukera egon zen aipatu tokian. Izan ere, algortarren aurretik hainbat talde musika jartzen ibili ziren giroa sortuz, hala nola, TDK Sound, Nebulla Selektah eta Dirtydansall. 23:30ak aldera, reggae talde gaztearen ordua heldu zen. Urduritasunak alde batera utzi eta eszenatokira igo ziren ordu beteko saioa eskaintzeko asmoz. Taberna bete-beterik zegoen, "jende ezaguna zegoen, baita ezezaguna ere. Kontzertua hasi bezain laster ikaragarrizko babesa eskaini ziguten eta hori eskertzekoa da oso gustura sentitu ginelako", adierazi diote UKBERRI.NETi taldekoek. Kontzertuan zehar, beste bandetako hainbat abeslari igo ziren haiekin kanta batzuk abesteko. "Gurekin abestu zutenei eta kontzertua izan zena izaten lagundu zutenei eskerrak eman nahi dizkiegu", aipatu dutenez. Argazkian, kontzertua iragartzeko kartela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun