Udan herrira heltzen ari diren turistei ongi etorria emateko esaldi hori aukeratu du Sopelako ezker abertzaleak. Uztailetik materiala banatzen ari dira eta toki estrategikoetan pankartak eta kartelak ipini dituzte. Ingelesez, frantsesez eta espainolez, "turistak Euskal Herrian daudela ohartzeaz gain, herri honetan bizi den gatazka politikoaren zergatia azaltzen die", azaldu dutenez. Horretaz gain, turistei "gure berezitasuna" jakinarazi nahi zaie. Orain arte kartelak eta mila orri baino gehiago banatu dituzte. Horretaz gain herriko hainbat lekutan “Freedom for the Basque Country” leloa daramaten pankartak ere ipini dituzte, baina ezker abertzaleak salatu duenez, Ertzaintzak edota Udalak aginduta berehala desagertu dira. “Ez dakigu PSOErentzat edota Sopelako PNVko nagusientzat hemen askatasuna nahi dugula jakinaraztea ere delitua ote den. Irailatik aurrera jokabide honen inguruan Udalean galdegingo dugu eta bere kasuan salaketa gogorra ere egingo dugu”, adierazi dute independentistek. Argazkia: © Sopela.net.
Sopelako ezker abertzaleko kideen hitzetan, "ekimen hau dela eta, Sopelatik pasatu diren turistak aske izan nahi duen herri eder batean egon direla kontatuko dute".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun