“Gogoko dut ekimena. Izan ere, gazteek ere Getxo dinamizatzearen aldeko apustua egiten dute, oraingo honetan proposamen erakargarri baten bitartez, musikaren, talde gazteen eta horren inguruan neska-mutilen arteko elkargune berriak osatzearen aldeko apustuaz. Horregatik, Wanted irabazi duen proposamen hau laguntzen eta babesten dugu”, esan du Imanol Landa alkateak.
Egitaraua
Jaialdia irailaren 17n abiatuko da, ostiralarekin, 18:00etan, Ertz talde getxoztarrarekin. Ondoren, Bertan Bera (Gernika), Itaka (Zumaia), Napalm (Getxo), Dabelyu (Bilbo), Niketz (Etxebarri), Alerta (Durango) eta OST (Bermeo) taldeak arituko dira. Larunbatean, irailak 18, Autosecuestro (Getxo), Hotsak, El Paso Killers eta Amargor (hirurak Bilbokoak), D.A.R. (Getxo), Alimaña HxC (Soria), Distorsión (Barakaldo), Thunda Clap Sound System (Getxo) eta Prince Livijah eta Chieftain Joseph (Erresuma Batua) izango dira. Igandekoa, arratsalde akustikoa izango da Happy Morgue (Bilbo) taldearen “unplugged” kontzertuarekin. Giroa txarangarekin alaituko dute eta perkusio tailerrak izango dira. Iluntzean, jaialdia itxi aurretik, reggae gau-emanaldia izango da berriro Thunda Clap Sound System taldearekin.
Getxoko Andra Mari kiroldegian egingo dute datorren irailaren 17, 18 eta 19n Guaitorock izeneko jaialdia. Gazteria Zerbitzuak deitutako Wanted 2010 ideia lehiaketa irabazi zuen neska-mutil taldea garatzen ari den ekimena da, hain zuzen. "Lehiaketaren helburu nagusiak dira, zuzeneko musika sustatzea aisialdiaren alternatiba izateko udalerrian, talde gazteak lagunduz, horien artean harremanak sortuz eta agertoki batera igotzeko aukera emanez; baita era guztietako musikez gozatzea eta inguru hauetan gutxi ezagutzen diren musika-korronteak sartzea ere", udal iturriek adierazi dutenez. Argazkian, Guaitorock ekimenaren sustatzaileak / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun