Furgoneta enpresa baten izeneko errotulazioa zeukan eta bertan beste ibilgailu baten giltzak eta hainbat enpresatako datuak zituen karpeta bat topatu zituzten poliziek. Autoan, berriz, zenbait tresna, esku larruak eta "lapur delituekin zerikusia" izan ei dezaketen beste gauza batzuk aurkitu zituzten.
Ondoren, ertzainek gau horretan inguruetan izandako beste gertaerekin gazteek izan zezaketen harremana aztertzeari ekin zioten. Hala nola, Asuako Sondikalde industrialdeko enpresetan zubia eginez bi furgoneta eramaten saiatu izan zirena eta Sangroniz industrialdean beste bi furgonetako sarrailak bortxatuta ageri izana. Delitu horiek guztioriek zein zeramaten furgoneta lapurtu izana leporatu eta ertzain-etxera eraman zituzten bost gazteak. Ondoren, 16 eta 17 urtetako hiru adingabeak askatu zituzten, Fiskaltzaren aurretik igaro beharko dutela. Beste bi gazteak atzo eraman zituzten Bilboko guardia epaitegira.
Ertzaintzak bost gazte atxilotu zituen pasa den astelehenean, Erandioko Sangroniz industrialdean furgoneta bat lapurtu zutelakoan eta aurretik bestelako autoak ebatsi izana leporatuta. Herrizaingo Sailak zabaldu duenez, atxilotuetako hiru adingabeak dira. Bertsio ofizialaren arabera, goizaldeko 3ak aldera, Erandioko pabiloi batzuetatik irten ziren furgoneta eta auto bana susmagarria iruditu zitzaizkion Ertzaintzako trafiko unitate bati. Hori dela eta, "enpresetan delituak eta lapurretak saihesteko inguruetan zeuden beste patruilak" ohartarazi zituzten eta horiek ibilgailuen atzetik joan ziren. Azken horiek, baina, "ihesaldiari ekin zioten, ziztu bizian", Bi-735 errepidetik Asuarantz. Ibilgailuak jazarrita, ertzainek Uribarri eta Erandiondo arteko bidean geldiarazi eta bidaiariak identifikatu zituzten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun