Itsasoruntzek zabaldutako oharra:
Prozesuaren alde, busti zaitez!
Itsasoruntz, Euskal Herriak bizi duen gatazka politikoari konponbide bat aurkitu nahi dion prozesuari bultzada txiki bat emateko helburuak gidatua sortu zen. Algortako Portu Zaharra irribarrez, indarrez eta itxaropenez bete genuen 2006ko urriaren 21ean: kolore ezberdinetako jendeak jauzi egin zuen uretara, neskak zein mutilak, gaztetxoak eta helduak. Ilusioa metatzea lortu genuen. Eta proiektu berriak irudikatzen hasi ziren hainbaten buruetan: dagoeneko txinparta airean zegoen, sua lortzea besterik ez zen falta. Ekimena txiki geratu zen eta, sarearen bila joan ziren ausartenak. Itsasoruntz sarea, Euskal Herriak bizi duen gatazka politikoaren osotasunari behin-betiko konponbidea aurkitu nahian dabilen olatu sorta, itsasbazterreko surflari, arrantzale zein bainulari mordoa. Gaur Marijaia agurtu nahi dugu. Eta harekin batera Nerbioi ibaira jauzi egin. Gure herriko urekin jolastuz gure herriak behar duen benetako poztasuna aldarrikatzeko. Poztasun hori lortzeko bidea martxan jarri dadila oihukatzeko. Jaiak askeak, ederrak eta osoak izan daitezkeela amesteko.
Bere aldarrikapenak Bilboko Aste Nagusiraino eraman zituen atzo, osteguna, Itsasoruntz ekimenak. Udaletxean ikurrinari omenaldia egiten ari zitzaizkion bitartean, Euskalduna eta Arriaga arteko bidea egin zuten paddle gainean dozena erdi arraunlarik eta musikariz beteriko ontziak. "Gaur Marijaia agurtu nahi dugu. Eta harekin batera Nerbioi ibaira jauzi egin. Gure herriko urekin jolastuz gure herriak behar duen benetako poztasuna aldarrikatzeko. Poztasun hori lortzeko bidea martxan jarri dadila oihukatzeko. Jaiak askeak, ederrak eta osoak izan daitezkeela amesteko", adierazi zuten Itsasoruntzeko kideek. Argazkia: cc-by Itsasoruntz. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun