Atzo, osteguna, goizeko zazpietan, trenetik jaitsi zen bidaiari-talde handi batek Plentziako geltokiko gainbegiraleari eta hiru zaintzaileei eraso egin zietela zabaldu dute hainbat hedabidek, Metro Bilbao garraio enpresako iturriak aipatuz. Gainbegiraleak azken egunotan metroa txartelik gabe erabili duen bidaiari bat ezagutu ei zuen, eta hori aurpegiratu zionean hasi omen ziren liskarrak. Hedabideek adierazi dutenez, Metro Bilbaok "erabateko babesa" erakutsi die kaltetuei, eta jakitera eman du gertakariak argitzen laguntzeko ikerketan "laguntza osoa" eskaini diola Ertzaintzari. Halaber, eraso horiek "zigor bidetik" salatzeko asmoa erakutsi du, "antzeko gertakariak zigortu dituzten azken epaien arabera, erasoa agintaritzaren agenteen kontrako atentatua baita". Argazkian, metroko langile bat beharrean, bezeroak trenera sartzen diren bitartean, artxibo irudi batean.
Azkenik, Metro Bilbaoren arabera, "bezero batzuen portaera tamalgarri horrek ez du gehiengo handi baten gizalegezko jokaera zikindu behar; Bilboko Aste Nagusian etengabe eskainitako zerbitzuan izan diren istilu kopuru txikiek argi erakusten dutenez".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun