Izen-ematea Algortako Etorbidean dagoen Gazte Bulegoan bertan egin daiteke. Dena den, hainbat tresna erabil daiteke bertaratu beharrean: www.getxo.net udal webgunea, 944 660 353 telefono zenbakia, gaztebulegoa@getxo.net posta elektronikoa edo 667 600 740 telefono zenbakia. Azken horretan ez dituzte deiak jasoko, SMS mezuak baizik. Posta elektronikoaren kasuan, berriz, honako datuak sartu beharko dira gutxienez: izena, ikastaroa eta harremanetarako telefonoren bat.
Guztira doako sei tailer egongo dira aukeran: skate, rap, marrazketa, bitxikeri birziklatuak (I eta II) eta sukaldaritza. Tailer bakoitzak plaza kopuru jakin bat izango du, 10 eta 20 pertsona artekoa. Hizkuntzari dagokionez, sei tailerretatik soilik bi izango dira euskaraz. Bestalde, bolondres esperientzia berria aipagarria da.
Tailerren ezaugarriak
• Skate: irailaren 20, 22, 27 eta 29an eta urriaren 4 eta 6an, 17:30etik 19:00ak arte, Arrigunagako pistan. 8-15 urte. Euskaraz. Doan. 15 leku.
• Dibujo: urriaren 6, 8, 13, 15, 20 eta 22an, 17:30etik 19:30ak arte, Gauegun gaztelekuan. 12-17 urte. Espainolez. Doan. 15 leku.
• Rap: urriaren 7, 14, 21 eta 28an, 17:30etik 19:30ak arte, Gauegun gaztelekuan. 12-17 urte. Euskaraz. Doan. 20 leku.
• Hacer joyas reciclando (I): urriaren 21 eta 28an eta azaroaren 4an, 17:30etik 19:30ak arte, Gauegun gaztelekuan. 12-17 urte. Espainolez. Doan. 10 leku.
• Hacer joyas reciclando (II): azaroaren 11,18 eta 25an, 17:30etik 19:30ak arte, Gauegun gaztelekuan. 12-17 urte. Espainolez. Doan. 10 leku.
• Cocina: aprende a sobrevivir: azaroaren 5, 12, 19 eta 26an, 17:00etatik 19:00ak arte, Areetako La Sarten de Cordeleria txokoan. 12-17 urte. Espainolez. Doan. 17 leku.
Getxoko Udal Gazteria Zerbitzuak irailetik abendura bitartean egingo duen tailer eskaintza ezagutzera eman du. Hondakinek ematen dituzten aukerez baliatuz bitxiak (paparrekoak, lepokoak eta belarritakoak) egiteko kurtsoez gain, aipatzekoa da borondatezko jarduera bat, antolatutako tailerretan adimen-ezintasunen bat duten gazteekin egoteko eta horiek behar duten laguntza eskaini ahal izateko. Aipatutakoa jarduera berria da, alde batetik adimen-ezintasuna duten gazteek tailerretan parte-hartzea, eta bestetik, pertsona boluntarioen lan poltsa sortzea bultzatu nahi duena. Ikastaro guztiak doakoak izango dira eta 8 eta 30 urte bitarteko gazteei zuzenduta daude, guztira 87 leku izango direla. Hizkuntzari dagokionez, 35 gaztek parte har dezaketen Rap eta Skate tailerrak euskaraz izango dira eta beste lauak espainolez. Hortaz, tokien %40,23 baino ez da euskaraz eskainiko. Argazkian, tailer gehienak Algortako Urgull kaleko Gauegun gaztelekuan egingo dira / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun