Bi gazte zauritu ziren atzo Berangon izandako trafiko istripu ikusgarrian. Izan ere, bidaiatzen ziren autoa errepidetik atera, murru bat bota eta irauli egin zen, gidaria eta laguntzailea ibilgailuaren barruan harrapatuta gelditu zirela. Herrizaingo Sailaren iturriak aipatuz "Gara" egunkariak jakinarazi duenez, istripua asteartean gertatu zen gaueko 22:30ean, Berango eta Unbe lotzen dituen Bi-3733 errepidean. Halere bidaiariak ateratzeko lanak hurrengo eguneko goizaldera arte luzatu ziren. Suhiltzaileek bi pertsonak erreskatatu ostean osasun zerbitzuetako beharginek Gurutzeta ospitalera eraman zituzten arreta medikua emateko, nahiz eta gazteak nor bere kordean egon eta zauri arinak izan. Ertzaintza istripuak eragin zuten arrazoiak ikertzen ari da. Argazkian, auto istripu baten artxiboko irudia / © Leioa.net
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun