Bizkaiko Lan ikuskaritzaren arabera, Igeretxe hotela kudeatzen duen enpresaren jarrera "Kode Penalean aurreikusitako hainbat delitutan eror daiteke, Gizarte Segurantzako kotizazio ordainketetan iruzurra egiteagatik eta menpean dituen langileen oinarrizko eskubideak bortxatzeagatik". Izan ere, lan jazarpeneko kontuaz gain, enpresak hainbat salaketa jaso ditu soldatak ez ordaintzeagatik. Hoteleko harreragilearen kasuan, lau hilabete eta aparteko saria zor zizkioten denuntzia jarri zuenean.
2009ko ekainean, CCOO sindikatuak Igeretxe hotela "deskapitalizazioaren" bidez ixteko arriskuan zegoela salatu eta "premiazko neurriak" hartzea eskatu zion enpresari, Getxoko Udalari eta Bilboko Portuaren Agintaritzari.
Igeretxe hoteleko nagusia "moobing" egiteagatik auzitara eraman du Lan Ikuskaritzak
Algortako Igeretxe hotelaren nagusiak lan jazarpen delitua egin duenetz eta horretaz salatuko duen aztertuko du datozen asteotan Bizkaiko Fiskaltzak. Izan ere, CCOO sindikatuak jakinarazi duenez, pasa den otsailean hoteleko harreragileak salaketa aurkeztu zuen Bizkaiko Lan Ikuskaritzan. Bertan, nagusiak egiten ei zion etengabeko lan jazarpenaren berri eman zuen emakumeak, 2007tik Igeretxen lan egiten duena. "Moobing"-aren ondorioz, hainbat hilabeteko baja hartu eta tratamendu psikologikoa jaso behar izan zuen, egindako salaketaren arabera. Gainera, hainbat lankidek berretsi zuten beharginaren denuntzia, haiek ere bestelako salaketak jarrita. Ikuskaritzak enpresako ordezkariari hitzordua eman zion hainbat alditan, baita agiriak bidali baina hark ez zuen jaramonik egin. Hori dela eta, Fiskaltzara igorri dute auzia. Argazkian Igeretxe hotela / © CCOO Euskadi.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun