Baina aisialdi eta ekintza dibertigarriak egiteaz gain, ume hauek hainbat mediku espezializatuekin izan dira euren osasuna baloratzeko, eta Leioan izan diren aste hauetan euren elikadura ere hobetu dute, barazkiak, fruta eta esnekiekin batez ere, basamortuan lortu ezin ditzaketen produktuak, hain zuzen ere.
Horretaz gain, "bost ume horiek ez dira esku hutsik joango" ziurtatu dute tokiko iturriek: Udalak eskolarako materiala oparituko die, eta hartu dituzten familiek pakete berezia emango dizkiete euren familiekin gozatzeko: jatekoa, arropak, zapatak eta bestelakoak.
Beraz, ostiraleko jaialdi bereziarekin gazte horien agurra modu berezi batean ospatu nahi dute Fath elkarteak eta Leioako Udalak, baina horretaz gain aste hauetan zehar haurrak hartu dituzten familiei eskerrak emateko momentua izango da, "euren solidaritatea eskertzeko".
Fath Sahararekiko elkartasun elkartearen eta Leioako Udalaren ekimenez, udalerrian uda eman duten Saharako umeei adio esateko festa egingo dute bihar. Ekimena Euskal Etxeen plazan izango da, arratsaldeko 18:30ean, eta besteak beste magoak eta pailazoak izango dira bertan. Lemam, Salem, Mufida, Ahjeb eta Sidahmed-ek hilabete bi pasa izan dituzte Leioako bost sendirekin, umeen artean ohikoak diren igerileku eta hondartzetarako txangoak bezalako udako ekintzak egin dituztela. Baina, horretaz gain, "eurentzat esanahi berezia izan dute egun hauek, urtean zehar duten bizimodua kontuan izanda oporraldi hau izugarrizko opari izan da eurentzat", udal iturriek azaldu dutenez. Izan ere, Saharan bizi behar izaten duten egoera "oso gogorra da urtean zehar hainbat beharrizan dituztelako, baina uda aldean areagotu egiten da tenperatura altuak direla eta". Argazkia: © Leioa.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun