Getxo Kirolak elkarteak jakinarazi duenez, programazioaren barnean zenbait mailatako ikastaroak daude eta Hastapenekoa baino maila aurreratuagoren batean izena eman nahi duten pertsonek maila horretan izena emateko egunean egiaztatu beharko dute. Horregatik, iraileko lehenengo egunetan kirol teknikariekin jarri beharko dira harremanetan probaren eguna eta ordua erreserbatzeko.
Lekurik lortzen ez dutenek itxaronzerrendan eman ahal izango dute izena. Zerrenda hori denboraldi osoan, urritik ekainera, egongo da indarrean. Aurtengo udal kirol egitarauak honako ikastaro hauek eskaintzen ditu: atletismoa, aerobica, saloi-dantzak, dantza modernoa, gimnastika, gimnastika erritmikoa, judoa, karatea, taekwondoa, spinninga, igeriketa, aquagyma, padela, tenisa, strechinga, pilatesa eta yoga.
Getxo Kiroletako ikastaro berrietan izen emateko epea zabalik dago
2010ko ira. 2a, 20:25
Getxo Kirolak erakundeko ikastaroetan izena eman nahi duenak datorren asteazkenera arte, irailak 8, tramiteak hasteko aukera izango du. Izan ere, data horretara arte, ordena erabakitzeko zozketan parte hartzeko zenbakiak banatuko dituzte erabiltzaileen arreta bulegoetan. Gainera, azken urteotan bezala, sendiko abonamendua dutenek zenbaki bana hartu behar izango dute. Zozketa irailaren 9an izango da goizeko 10etan Fadurako kiroldegian. Ondoren, izena emateko egunak eta orduak zehaztuko dituen zerrendak Algortako Fadura eta Itzubaltzeta / Romoko Gobela kiroldegietako iragarki-tauletan zein udal webgunean argitaratuko dira. Gauzak horrela, lehenengo matrikulazioak irailaren 13an egingo dira. Tramite eta ikastaro guztiak liburuxka honetan (pdf) azaltzen dira. Argazkian, Gobela kiroldegiko instalazioetako bat.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun