Uztailean zehar, hainbat jokalariren kontratuak berritu egin ditu klubak eta berrikuntza nagusiak Bizkerren eta Leioan sortu eta azken urteotan katalunian aritu den Saioa Gonzalez Villegas atzelariaren etorrera, Silvia Ruiz erdilariaren igoera eta Manuela Lareo aurrelariaren fitxaketa izan dira.
Eskualdeko eta eskualdean egindako jokalariei dagokienez, azken urteotako ildoari jarraiki, taldeko osagarri garrantzitsuak izaten jarraituko dute. Gauzak horrela, Andere Legina Garcia ordezko atezain arituko da; Eider Hidalgo Ayestak zein Aitziber "Tzibi" Juaristi Caballerok atzelari titular jardungo dute, Saioa Gonzalez Villegas haien ordezko izango dela; Iraia Iturregi Sustatxa eta Arrate Orueta Olabarria, berriz, erdilari titular arituko dira, eta Amaia Olabarrieta Elordui eta Naiara Beristain Gonzalez haien ordezko bihur litezke.
Athleticeko emakumezkoen lehen taldearen aurkezpen ofiziala bihar, ostiralean, egingo dute babeslea den Leioako Artea merkataritza gunean. Ekimena aipatu zentroko kristal plazan izango da arratsaldeko 6:30ean, jokalariekin batera talde teknikoa ere bertan izango dela, klubak jakinarazi duenez. Iazko denboraldian Espainiako Ligan hirugarren postuan gelditu ostean, gogor hasi dira aurten lehoi emeak, izan ere, abuztuan jokatutako zazpi lagunartekoetatik bi baino ez dituzte galdu. Igandean, berriz, 2010-11 Ligan estreinatuko dira Eibarren kontra Lezaman jokatuko duten partidan. Argazkian, Athletic Clubeko emakumezkoen lehen taldeko argazki ofiziala / © Athletic Club.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun