Ertzaintzak Erandioko enpresa bateko behargin bat atxilotu zuen herenegun arratsaldean, lapurreta eta delitu simulazioa leporatuta. Izan ere, Herrizaingo Sailak zabaldutako bertsioaren arabera, 47 urteko langileak 2.500 euro hartu zituen lanpostutik eta ustezko lapurreta estaltzeko pasa den abuztuaren 23an gizon batek ostu egin ziola salatu zuen Erandioko ertzain-etxean. Egun horretako goizean, denda irekitzean, gizonezko bat sartu eta bizkarrean objektu zorrotz bat jarri ostean diru-kutxa zabaltzeko agindu ziola azaldu zuen beharginak. Ustezko lapurrak kutxan zeuden 2.500 bat euro hartu eta ihesi egin zuen, langilearen salaketaren arabera. Lapurretaren ondoren, 112 larrialdietarako telefonora deitu eta gertatutakoaren berri eman zuen beharginak. Baina, Ertzaintzak hainbat ikerketa egin ostean aipatu bertsioa sinetsi ez eta langileari egotzi dio dirua ostu izana eta beste lapurretaren simulazioa. Ostegunean atxilotu zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun