PSE-EEk dioenez, bat egiten du Guaitorocken helburuekin, tartean zuzeneko musika bultzatzea gazteen aisi alternatiba eta topagune izan dadin. Era berean, ondo ikusten dute gazteek ondo pasatzea eta gazte musika taldeak sustatzea, baina ez auzokideen lasaitasuna eta atsedenaren kaltean. Gainera, toki seguruagoan eta sartzeko errazagoan jarri beharko litzatekeelakoan daude PSE-EEko kideak.
Gazteria Zerbitzuak deitutako Wanted 2010 ideia lehiaketa irabazi zuen neska-mutil taldea garatzen ari den ekimena da Guaitorock.
Egitaraua
Jaialdia irailaren 17an abiatuko da, ostiralarekin, 18:00etan, Ertz talde getxoztarrarekin. Ondoren, Bertan Bera (Gernika), Itaka (Zumaia), Napalm (Getxo), Dabelyu (Bilbo), Niketz (Etxebarri), Alerta (Durango) eta OST (Bermeo) taldeak arituko dira.
Larunbatean, irailak 18, Autosecuestro (Getxo), Hotsak, El Paso Killers eta Amargor (hirurak Bilbokoak), D.A.R. (Getxo), Alimaña HxC (Soria), Distorsión (Barakaldo), Thunda Clap Sound System (Getxo) eta Prince Livijah eta Chieftain Joseph (Erresuma Batua) izango dira.
Igandekoa, arratsalde akustikoa izango da Happy Morgue (Bilbo) taldearen “unplugged” kontzertuarekin. Giroa txarangarekin alaituko dute eta perkusio tailerrak izango dira. Iluntzean, jaialdia itxi aurretik, reggae gau-emanaldia izango da berriro Thunda Clap Sound System taldearekin.
Irailaren 17, 18 eta 19n Getxoko Andra Mari kiroldegian egitekoa den Guaitorock jaialdia lekuz aldatzea eskatu dio alkateari Getxoko PSE-EEk. Jaialdia egiteko bi aste falta direnean hainbat komunikabideren bidez egin du eskaera Luis Almansa taldeko bozeramaileak. Bere ustez, "aukeratutako tokia ez da hiru eguneko kontzertu baterako egokiena" eta "zonaldeko auzokideei eragozpenak gutxitzeko asmoz" onena udalerriko beste guneren batera aldatzea litzateke. PSE-EEren proposamenak Fadura polikiroldegiko frontoia, Gobela kiroldegia eta Algortako Portu Zaharreko zabalgunea dira. Hain zuzen ere, Portu Zaharreko zabalgunea izan zen Guaitorocken antolatzaileek eskatu zuten tokia, festibalaren izenari kasu eginez Algortan burutu nahi baitzuten. Baina, jaialdia Getxora eraman zuen Udal Gobernuak. Irudian, Guaitorockeko kartela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun