Getxo udalerriak hartuko ditu aurten inmigrazioari buruzko Sozial Hitz topaketak
Urriaren 15, 16 eta 17an Sozial Hitz immigrazioa eta atzerritartasunari buruzko elkarrizketarako eta hausnarketarako giza eragileen arteko topaketen hirugarren edizioa hartuko du Getxo udalerriak. Tokiko zein erkidego mailako hainbat giza eragile eta erakundeekin batera antolatuta, Algortako Fadura kiroldegian jarri du biltzeko lekua Harresiak Apurtuz etorkinak babesteko Araba, Bizkaia eta Gipuzkoako GKEen koordinadorak. Ekimen hori garatzeko Udalaren konpromisoa azpimarratzeaz gain, bere poza agertu du Imanol Landa alkate getxoztarrak, “jardunaldia berton egingo delako eta, ikuspegi ezberdinetatik eta elkarrizketaren bidez, garrantzi gero eta handiagoa hartu duen immigrazioaz eta kultur arteko fenomenoaz hitz egingo dutelako”. Tokiko agintariak gaineratu duenez, “honakoa bezalako ekimenak udalerri bateratuagoa egiten jarraitu ahal izateko balioko du, non pertsona guztiok, gure jatorria edozein izanda ere, eskubideak eta betebeharrak ditugun auzotar izaeraz eta pertsona gisa garatu ahal izateko egokiak eta ezinbestekoak diren baldintzez gozatzeko aukera izan dezagun”. Euren ezagutza partekatu nahi duten interesatuek oinarriak kontsultatu, komunikazio bat inskribatu edo parte hartzeko izena eman ahal izango dute ondoko leku honetan: www.harresiak.org/sozialhitz. Argazkian, lagun ugarik parte hartu zuten orain bi urte Etorkinen Nazioarteko Egunaren harira egindako mahai inguruetan / © Getxo.net.
2010eko Sozial Hitz topaketek Migrazioei buruzko Munduko IV. Gizarte Foroa izango dute ardatz: “Herriak mugitzen herritartasun unibertsalaren alde: eredua eraitsiz, aktoreak eraikiz" lelopeko ekimen horrek Porto Alegren (Brasil) 2001ean egin zen I Munduko Gizarte Foroan du jatorria. Munduko Gizarte Foroaren printzipio-jakinarazpena migrazioari buruzko gaia gorpuzten du eta eredu gida da EAEn, udal iturrien hitzetan, "erakundeen eta interesatuta dauden pertsona guztien parte-hartze plurala sustatzeko eta lan egiteko era hori martxan jartzeko". Aurten, Sozial Hitz topaketek "alde positiboak" izango ditu kultura, kirola eta gizarteari lotutako hainbat ekimen egingo direlako, barruan sartzeko eta dinamika elementu gisara. Parte-hartzaile guztiek hainbat jarduera osagarri ezagutzeko eta bizitzeko aukera izango dute, gune integratzaileak tarteko, eta aldi berean, "gu lotzea azken helburu izango duten kultur anitzeko jardueren protagonistak sentitzeko".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun