Begirale, zaintzaile eta eskola partikularretarako irakasle euskaldunen lan-poltsak zabaldu ditu Mankomunitateak

2008ko urrian zaintzaile, begirale (aisialdia, kirola…) eta eskola partikularretarako irakasle euskaldunen lan-poltsak osatzeari ekin zion Uribe Kostako Mankomunitateko Euskara Zerbitzuak. Zerrenda horiek osatuz joan ahala, gurasoei zein aisialdi, kultura eta kirol elkarteei lan-poltsen berri ematen aritu dira; eta aipatutako lanbidea egingo duen pertsonen beharra duen edonoren esku jarri dituzte zerrendok. Bitartekari lana egiten du Mankomunitateko Euskara Zerbitzuak. Orain, berriro ere zabalik daude lan-poltsak. Hortaz, haurrak zaindu, eskola partikularrak eman edota begirale izan nahi duen orok inprimakia (doc) bete eta ondoko e-posta helbidera bidali beharko du: euskera4[abildua]uribekosta.org. Argazkian, Euskaraz Olgetan ekimena ere abian du jada Mankomunitateak.