Egitaraua:
9:30 Izen-ematea Erandion irteera baino lehen (Obieta plazan).
10:00 Irteera: Erandiotik (Obieta plaza).
10:30 Leioara iristea. Jendea biltzeko geldiunea eta edarien banaketa.
11:30 Berangotik igarotzea. Jendea biltzeko geldiunea.
12:00 Sopelatik igarotzea.
12:30 Urdulizera iristea eta bigarren janari-edari banaketa.
13:30 Helmuga: Berango (Moreaga parkea).
- Apar festa egongo da (Aldatzeko arropa ekartzea gomendatzen da). Dortsalak jaso eta opari eta oroigarrien banaketa.
- Txerri erre pintxoak eta edariak denontzat.
- 19:00ak arte jolas-parkea egongo da Moreaga parkean.
Europako Mugikortasun Iraunkorraren astea dela-eta, bi igande barru, irailaren 19an, Uribe Kostako Umeen Bizikleta Festa egingo dute. Aurtengo ibilbidea Erandion hasi eta Leioa, Getxo, Berango, Sopela eta Urdulizetik igaroko da, Berangon bukatzeko, txikientzat antolatutako jai handi batekin. Izen-ematea aurretiaz egitea gomendatu du Uribe Kostako Zerbitzu Mankomunitateak. Horretarako, www.ubfesta.org webgunean sartu beharko dira parte hartu nahi dutenek. Hala ere, egun berean ere egongo da apuntatzeko aukera Erandion, 9:30ean. Bizikleta martxan parte hartzeko, inskripzioa bikoteka (heldu-ume) egin beharko da, Mankomunitateko arduradunek zehaztu dutenez. Bestalde, beharrezkoa izango da bizikleta eduki eta kaskoa eramatea. Argazkian, 2008an egindako Berangoko Umeen II. Bizikleta Festa Itzubaltzeta zeharkatzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun