"Udako egonaldian, gure klima, elikadura anitz eta aberatsa eta batez ere, familiak emandako maitasuna eta atzartasunaren onurak jaso dituzte. Hau denak euren garapena eta haztearen hobetzea eragiteaz gainera, nuklear irradiazioz kutsatutako guneetan bizitzeak, klima samina edota desegituraturiko familian bizitzeak eragiten dituen ondorio txarrak baretzen ditu", azaldu dute Bikartekoek. Era berean, programa horrek EAE eta Errusiaren arteko kultur trukea ere badu helburu. Udan neska mutilek hainbat kultur ekintza izan dituzte. Besteak beste, Tolosako Topic txotxongiloen museoa eta Artziniegako Museo Etnografikoa bisitatu zituzten. Bikartek duen egoitza nagusian, Abanto eta Zierbena herrian, ongi etorri festa eskaini zitzaien eta, Lezaman, Athetic Club-ek dituen instalazioetan ere izan ziren, taldearen entrenamendu bat ikusi eta jokalariak hurbiletik ezagutzeko aukera izan zutelarik.
Aste Nagusia gozagarri
Horretaz gain, Bilboko Aste Nagusian Medicus Mundi erakundeak haur festa bat antolatu zuen harrera ume guztientzat. Munduko Zirkuak ere emanaldi batera gonbidatu zituen haurrak. Bilboko udaltzainen txakur unitateak erakustaldi bat eskaini zien eta, Galdakaon, Norbegak duen Coca Cola botilatzeko plantaren funtzionamendua ezagutzera ere gonbidatuak izan ziren. Donostiako Aste Nagusian, berriz, Euskadiko Azokari Autonomoen Elkartearen gonbidapenari esker, gaztetxoek jolas feriaz gozatzeko aukera izan zuten eta Aragon familiaren Musika Zirkuaren emanaldira ere joan ziren.
Bestalde, Donostia, Barakaldo, Getxo, Galdakao, Balmaseda eta Amurrioko udalek udaran zehar ume eta harrera familiei hainbat ongi etorri egin dizkiete.
Bikarte elkartearen bitartez hainbat familiek uda partean abegi egindako Errusiako umezurtz-etxe eta gune behartsuetako 104 gaztetxoak astebukaeran bueltatu ziren euren etxeetara. Horietako bat Getxo udalerrian izan da. Neska-mutilak ekainaren 18tik hona izan dira gure artean. Pasa den ostiralean, bakoitzak bere herrira itzuli zen. Bidaiaren lehenengo zatia Bilbotik Moskura denek batera egin zuten hegazkinez eta handik bakoitza bere etxera bueltatu zen: batzuk trenez, hegazkinez besteak. Haur horiek lau lurraldeetakoak dira: Murmansk, Mendebaldeko Siberia, Volgogrado eta Briansk-oak. Bikarte buru belarri dabil orain Gabonetako harrera kanpaina antolatzeko lanetan. "Horren bidez, gaztetxoak hilabetez berriz ere gurekin izango ditugu, harrera honek eurentzat dakarren onurarekin", azaldu dutenez. Gauzak horrela, elkarteak harrera familia berriak behar ditu. Interesaturik dauden pertsonentzat honakoa da telefono zenbakia: 605 709 024. Argazkian, uztailaren 14an Getxo udalerrira heldutako Sahara, Bielorrusia eta Errusiako 17 haurrei ongi etorria egin zien Imanol Landa alkateak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun