Txileko Justiziak 220 eguneko kartzela-zigorra ezarri dio Asel Luzarraga musikari, idazle eta Euskal PEN Klubeko zuzendaritzako kideari lehergailuak izatea leporatuta, Euskadi Irratiak jakitera eman duenez. Dagoeneko beteta du zigorra bermeotarrak, orain arte 250 egun baitaramatza atxilotuta, lehenengo espetxean eta ondoren etxean. Orain kanporatze auziari egin beharko dio aurre. Bien bitartean, Luzarraga aske geratuko da. Abenduaren 31n atxilotu zuten eta 40 egun eman zituen Temucoko kartzelan. Otsailaz geroztik bere etxean atxilotuta egon da idazle eta itzultzailea. La Araucania eskualdean atentatuak egin izana leporatu zion hasieran fiskalak. Luzarragak, ordea, egun horietan Txiletik kanpo zegoela frogatu zuen. Orduan, fiskalak leherkariak izatea leporatu eta bost urteko espetxe-zigorra eskatu zuen. Argazkian, Aselen alde egindako elkarretaratzeetako bat, atxilotu zutenean / © Askapena.
Abuztuaren bukaeran egin zen Asel Luzarragaren aurkako epaiketa. Musikari, idazle eta Euskal PEN Klubeko zuzendaritzako kideak hasieratik ukatu zituen salaketa guztiak. Luzarragaren senide eta lagunentzat argi geratu da Txiletik kanporatzeko egin dutela epaiketa. Izan ere, orain Fiskaltzak Txiletik kanporatzeko prozedura hasi du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun