Adierazi EH aurkezpena from adierazieh on Vimeo.
Irailaren 11ko 'Denontzat eskubide guztiak Euskal Herria osoan' lelopeko manifestaziorako deialdia egiteko bideoa: Argibide gehiagorako, berria.info eta adierazieh.com adierazi.euskalherrian.info webguneetara jo daiteke.
Etzirako, larunbata, Bilbon deitutako "Denontzat eskubide guztiak Euskal Herria osoan" lelopeko manifestazioa debekatu egin du gaur goizean Espainiako Auzitegi Nazionalak. Berria.info-k jakinarazi duenez, Batasunak antolatu duelakoan Adierazi EH!-k deitutako martxa debekatzeko autoa (pdf) kaleratu du Ismael Morenok. Espainiako Gobernuak izendatutako Javier Zaragoza fiskal nagusiak aurkeztu zuen atzo debekuaren eskaera, Adierazi EH!-ri Batasunaren "oinordekoa" izatea "eta ETAren aginduak" jarraitzea egotzita. Manifestazioa orain dela lau hilabete deitu zuen herri ekimenak eta bitartean atxikimendu zabala eta askotarikoa eskuratu du. Besteak beste, ezker abertzalea, Aralar, EA, Alternatiba, Lokarri, ELA, LAB, Etxerat, GaztEHerria eta EAE-ANV-k bertaratzeko deia egin dute. Adierazi EH!-k prentsaurrekoa emango du arratsaldeko 5etan. Argazkian, herri ekimenak apirilean Gernika-Lumon egindako ekitaldia / cc-by-nc-nd Joseba Barrenetxea.
Adierazi EH! ekimenaren aurkezpeneko bideoa:
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun