Mahala Raï Banda Bukaresteko behe auzoetatik sortutako talde errumaniarra da. Bertan, hamaika herri ospakizunetan aritutako gazte musikariek eta haize-banda militarretan ikasitako artista beteranoek bat egiten dute, soinu tradizionalak ska, reggae edo funk soinuak uztartzen diren musika-nahasketa harrigarria sortzeko.
Gaizka Baenaren proiektuari dagokionez, flamenkotik abiatua da eta oso lurralde garaikideetarantz bideratzen ari da. Bere taldean harekin batera aritzen diren musikariak guztiz desberdinak ziren bideetan jarduteetatik datoz. Bertan, bakoitzaren esperientziek eta kezkek bat egiten dute eta elkarri osatzen diote, eta bertan kontrastez jositako sinu bat sortzen da; erritmikoa eta harmonikoa, beroa eta oldarkorra, askea eta zehatza.
Azkenik, Irlandako musikarekiko grina, sustrai asturiarrak eta formazio klasikoa dira Judith Mateo artistaren ezaugarriak. Barnean eta atzerrian eskainitako hirurehun kontzertu baino gehiagok bermatzen dute bere trebezia tradiziozko tresnekin. Gainera, bi lan diskografiko ditu bere baitan ("Tir Nan Og" eta "Mientras el cielo no se caiga") eta bere lan berria izango denaren singlea ("Weile Waile").
Bestelako jarduerak
Ohi denez, kontzertuak ez ezik, Folk Getxo BBK jaialdian jendeak Bidezko Merkatua bisitatu ahal izango du. Bidezko Merkatua Iparraren eta Hegoaren arteko bidezko merkataritza sustatzen duen ekimena da, zenbait GKErekin batera antolatzen dena. Bestalde, hainbat herrialdetako artisautzako produktuak Munduko Merkatura itzuliko dira, Koan elkartearen lanari esker. Halaber, aurten ere beste kultura eta herrialde batzuetako gastronomia ere dastatzeko beta izango dugu Munduko Terrazan, Euskadiko Munduko Medikuak erakundearen eskutik. Horiez gain, kale-banden desfileak egongo dira. Aurten Bavariako Stadtkapelle Starnberg, Eskoziako Stow Pipe Band, Asturiaseko Ciudad Cangas de Onís gaita banda eta Salamancaco Asociacion Surco-Boton Charro taldeak arituko dira kalejiretan.
Balkanetako musika izango da erabateko protagonista ostiral honetan, irailak 10, Getxoko 26. Nazioarteko Folk Jaialdian. 20:30etik aurrera, Mahala Raï Banda, egungo haize musika-tresnen talde ospetsuenetarikoa, ariko da Areetako Xake plazan. Itzubaltzeta / Romoko Santa Eugenia plazan, berriz, musika-zaleek Gaizka Baena (19:00) euskal gitarra-jolea buru duen flamenko proiektuaz eta Judith Mateoren (22:30) doinu zeltiarrez gozatu ahal izango dute. Bitartean, gaur goizean, Bilboko Foru Jauregian egin diote harrera Bavariako (Alemania) Stadtkapelle Starnerg bandari Jose Luis Bilbao Bizkaiko ahaldun nagusiak eta Miren Josune Aristondo Kultura diputatuak. Imanol Landa Getxoko alkatea, Josu Loroño Komunikazio zinegotzi getxoztarra eta BBKko ordezkariak ere bertan izan dira. Hainbat oroigarri jaso ostean, Kale Nagusian zehar Areatzaraino egin du kalejira taldeak. Argazkian, foru eta udal ordezkariak Stadtkapelle Starnerg bandako kideetako bati oroigarria ematen / © Bizkaia.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun