Metro Bilbaoko enpresa batzordeak aho batez eta sendo erabaki zuen atzoko bileran zuzendaritzari ahalik eta lasterren batzeko hitzordua eskatzea, hainbat hedabidek zabaldu dutenez. Aldi baterako lau langileri kontratua zergatik ez dieten berriztatu "argi eta garbi" azaltzeko eskatuko diete Metro Bilbaoko arduradunei; baita enpresaren politika zehazki zein den ere. Hala ere, langileen ordezkariek ez dute askorik espero bilera horretaz. Izan ere, garraio enpresako arduradunek aldi baterako kontratuen murrizketaren alde egin zuten atzo, "gastuari eutsi eta errekurtsoak arrazionalizatzeko asmoz". Gauzak horrela, lanuzteak barne, irailerako mobilizazio egutegia osatzea erabaki dute ELA, UGT, CCOO, CIM, LAB eta ESK sindikatuek. Datorren asteazkenean bilduko dira ekintzak eta datak zehazteko. Argazkia: © Koska irratia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun