Sabin Intxaurraga Eusko Alkartasuneko sailburu ohiak eta atxikitze politikorik gabeko pertsona batek manifestaldia deitu dute larunbaterako (17:00etan) Bilbon, Adierazi EH! plataformak aurretik deitutakoaren ordu berean, Eitb.com agerkari digitalak zabaldu duenez. Adierazi EH! plataformak deitutako protesta arratsaldeko lehen orduan debekatu du Espainiako Auzitegi Nazionalak. 14:00ak aldera eman du horren berri Ismael Moreno epaileak. Deitzaileen iturriek Europa Press albiste-agentziari jakitera eman diote manifestaldi berriaren deialdia arratsaldean aurkeztu dutela formalki Herrizaingo Sailean, Eitb.com-en arabera. Ibilbidea zein leloa aldatu omen dituzte. Lehenxeago, "manifestazioa egin egingo" dela esan du Rafa Larreinak (EA), Adierazi EH! plataformaren izenean. Argazkian, 17:00etan eman du prentsaurrekoa Adierazi EH! plataformak / © Adierazi EH!
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun