"Jon Bilbao Moro ere aspaldi behar zuen kalean, legez onartutako erredentzio eta baldintzapeko askatasunaren aplikazioarekin", gaineratu dutenez. Baina, bere kasuan, 1991ko maiatzaren 20an, ihes egiten saiatu zen Mallorcako espetxetik, Joxean Kortadirekin batera. Saiakera horrengatik bi hilabeteko espetxe zigorra ezarri zioten asuarrari. "Aitzakia horrekin gainera, garai hartan jasotzen ziren erredentzioak handik aurrera jasotzeko aukera kendu zizkioten, legez horrela egin ezin bazen ere", salatu du AAMk. Joxean Kortadi bera 2004an kaleratu zen, espetxean 22 urte egin ondoren. Jon Bilbaori, ordea, ihesaldiaren aurretik eskuratutako erredentzioak bakarrik aplikatu dizkiote.
Espetxe ugari ezagutu ditu
Jon Bilbao Morok espetxealdi ia osoa lehen graduan egin du, bakartuta eta isolatuta eduki dute denbora askoan. Espetxeratu zutenetik kartzela ugari ezagutu ditu: Carabanchel (1982/01/24), Puerto, Herrera de la Mancha, Langraiz, Alcala Meco, Sevilla, Mallorca (1993/06/– D), Tenerife II, Jerez de la Frontera (1998/12/23), Algeciras-Botafuego (2000/11/10), Puerto (2006-02-06 D), Alacant-Foncalent (2006-02-08). Uribe Kosta eta Erandion mobilizazio ugari eman egin dira Jon Bilbaoren askatasuna aldarrikatzeko, azken urteetan batez ere. Gogoratu behar da Erandioko Udalbatzak Jon Bilbao Moro askatzea eskatu izan diola Espainiako Espetxe Erakundeari.
Jon Bilbao Moro kalera aterako da igandean espetxean ia 29 urte egin eta gero
Jon Bilbao Moro Asuako euskal preso politikoa igandean aterako da Alacanteko (Herrialde Katalanak) espetxetik, ia 29 urte gatibu egin ostean, Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. Astrabuduara iristean lehen harrera egingo zaio. Bilbao Moro 1982ko urtarrilaren 24an atxilotu zuen Guardia Zibilak. Bederatzi egun eduki zuten inkomunikatuta, eta tortura izugarriak egin zizkiotela salatu zuen. Guztira, 30 urteko espetxe zigorra ezarri zioten, ETAko kidea izatea egotzita. Berarekin batera atxilotu zituzten lagunak duela 10 urte irten ziren kalera, zigor espetxea berdina izanda ere, errepresioaren kontrako mugimenduak nabarmendu duenez. Argazkian, urtarrilaren 17an Jon Bilbao Mororen askatasuna aldarrikatu zuten Astrabuduako kaleetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun