Espainiako Auzitegi Nazionaleko Fiskaltzak biharko Bilbon deitu duten bigarren manifestazioa debekatzea eskatu du, atzo debekatutakoaren "helburu berbera" duelakoan eta "lege iruzurra" ikusi duelako, Europa Press albiste agentziak zabaldu duenez. "EA eta Aralar alderdiak erabiliz legez kanpokoen eragina saihestea" izan omen dute helburu, aipatu duenez. Fiskalaren arabera, Adierazi EH!k deitutakoaren "debekua saihestea" da deialdi berriaren helburua. Beraz, manifestazioarekin "botere judizialaren agintea urratu nahi izatea" leporatu die deitzaileei. Hori horrela, manifestazioa bertan behera gera dadin "Eusko Jaurlaritzaren Herrizaingo Sailari berriro" beharrezko neurriak har ditzala eskatzeko exijitu dio fiskalak epaileari, "delituak saihesteko eta horien egileak nortzuk diren zehazteko izapideak zuzentzeko".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun