Gazte bat atxilotu dute Algortako Kirol Portuan beste bati eraso egin diolakoan

Ertzaintzak 31 urteko gizonezko bat atxilotu du gaur goizaldean Algortako Kirol Portuan liskar batean beste mutil bat ukabilez eta aulki metaliko batez jo egin duelakoan. Herrizaingo Sailak Efe Espainiako albiste-agentziari emandako bertsioaren arabera, ustezko erasoa goizeko hirurak aldera jazo da Kirol Portuko taberna batean, ordu horretan deitu baitute Ertzaintzara gertatutakoaren berri emateko. Patruila-autoa bertaratu denean, poliziek zauritua aurkitu dute ostatuan, aurpegia odoletan zuela. Osasun zerbitzuetako beharginak ospitalera eraman dute. Bitartean, ertzainek tabernaren kanpoaldean zegoen ustezko erasotzailea atxilotu eta ertzain-etxera eraman dute, goizean zehar epailearen aurretik pasatuko dela. Lesioen delitua leporatzen diote.