Arratsaldeko manifestazioaren bigarren deialdia ere debekatu du Auzitegi Nazionalak
Adierazi EH!-k deitutako martxa debekatu ostean, Eusko Alkartasuneko Sabin Intxaurraga Eusko Jaurlaritzako sailburu ohiak egindako deialdi berria ere debekatu egin du Auzitegi Nazionalak. Europa Press albiste-agentziak zabaldu duenez, gaur goizean jaso du martxa oztopatzeko agindua Eusko Jaurlaritzako Herrizaingo Sailak. Arratsaldeko mobilizazio berria 17:15ean da irtetekoa Bilboko Jesusen BIhotzetik "Adierazpen askatasuna. Eskubide guztiak guztiontzat" lelopean. Atzo bertan, Iñaki Zarraoa Getxoko alkate ohi jeltzaleak eta EA, Aralar, ezker abertzalea eta Alternatibako kideek parte hartzera deitu zuten. Martxa debekatzeko Fiskaltzak debekatzeko egindako eskaeraren arabera, deialdi berri horrek lehenengoa ordezkatzeko asmoa zuen eta "lege iruzurra" zen. Argazkian, azkenean protesta aurrera jarraitzekotan ez da lehenengo aldia izango Ertzaintza milaka eta milaka lagunen mobilizazioa gelditzen saiatuko dena.
Bestalde, eitb.com-ek jaso duenez, Ertzaintzak "epaileak emandako aginduak betetzeko behar diren neurriak hartuko" dituela ohartarazi du Rodolfo Ares Herrizaingo sailburuak. Gainera, Aresek hiritarrei aholkatu die "guztiok Auzitegi Nazionalak hartutako erabakia betetzeko ahalegina egin dezagun". Azkenik, Ertzaintzak epailearen erabakiak betearazteko beharra beteko dutela azpimarratu du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun