Sopelako Itzartu emakumeen kultur elkarteak ikastaro ugari antolatu ditu 2010/2011 ikasturterako. Izena emateko epea hilaren 22an hasiko da eta irekita mantenduko dute 30era arte. Izen-emateko ordutegia 10:30etik 13:00etara eta 17:30etik 19:30era izango da elkarteak Landa Doktorea kaleko 3. zenbakian duen lokalean. Ikastaroak honako hauek izango dira: aerobic, yoga, gimnasia osoa, eskulanak, pintura, haurrentzako pintura, antzerkia, aqua-fitness, patchwork, automakillajea eta pilates. Bestalde, genero berdintasun programaren barruan beste hauek izango dira: emakumeentzako autodefentsa tailerra, emakumeak historian, publizitatea eta sexismo tailerra, arreta, kontzentrazioa eta memoria egunetik egunera nola hobetu, grafologia, sormen idazketa tailerra, emakumea eta menopausia tailerra, zinea genero ikuspuntutik, autonomia pertsonala eta jardueren trukaketa tailerra, psikologia eta osasuna emakumearen garapen pertsonalerako, garapen pertsonala eta barre tailerra. Argazkian, Imanol Garai alkatea, aurreko batean, Itzartuk antolatutako lehiaketen sariak banatzen / © Sopelana.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun