Plentziako ezker abertzalearen blog berriak 1.000 bisita baino gehiago izan ditu jada

Plentziako ezker abertzaleak jakinarazi duenez, 1.000 bisita baino gehiago jaso ditu Piztu Plentzia! bere blog berriak. Gune hori 2010eko apirilean jarri zuten martxan, Plentzia, Gorliz eta Lemoiz udalerrietako ezker abertzaleko taldeek komunean zuten webgunetik beren beregi Plentziari buruzkoa jaio zenean. Piztu! Plentziako kudeatzaileek balorazio irekia egin dute bisita kopuruaren inguruan eta erabiltzaile orori eskerrak eman dizkiote: "Asko dira? Gutxi, akaso? Berdin da, guztioi eskerrak eman nahi dizkizuegu gure albisteak zabaltzeagatik, gure argazkiak erabiltzeagatik, gure iritziak irakurtzeagatik, zuen ekarpenengatik...". Argazkian, pasa den irailaren 5ean, Plentziako Piruli plazatxoan egindako "Zutik Euskal Herria! Zutik Plentzia!" lelopeko elkarretaratzea / © Piztu Plentzia!