Hainbat gaietako 12 proiektu aurkeztu ziren deialdira eta azkenik, "gaur aurkezten ari garena hautatu zen bere kalitateagatik eta garai horri buruzko ikerketaren nobedadeagatik, emakumeen taldeen ikuspegi zabala proposatu duelako, genero gaia kontuan hartuta”, gehitu du udal arduradunak. Bekaren zenbatekoa 7.000 eurokoa izan da eta Udalak euskaraz eta espainolez egindako liburuaren 500 ale kaleratu ditu liburutegietan eta elkarteetan banatzeko.
Emakumeak eremu publikoan eta pribatuan
Aurkeztutako lanak emakumeen eremu publikoa eta pribatua hartu ditu aintzat: “garai horretako emakumeak eremu pribatuan egotera behartu zituzten, ahotsik eta botorik gabe ezta gobernu kargurik izateko aukerarik gabe ere”, azaldu du Ayusok. Gainera, ikerlariak gehitu duenez, “aipatutako mendeetako historia emakume ezezagun askorenarekin osatzen da, gizonek armadara edo arrantza egitera alde egiten zutenean, beraiek zirelako etxeko lan guztiak aurrera ateratzeaz arduratzen zirenak”. Agiri historikoek ikerketa-lana oztopatu arren, "batez ere gizonen ikuspegia erakusten dutelako eta emakumeena estaltzen dutelako", liburuak aztertutako garaiko emakumeen identitate guztiak ere ematen ditu ezagutzera. Ikerketak lan berezia egin du bazterketaren mugetan ibili ziren emakumeak agerian uzteko, esate baterako, hiriko emakume langileak, zerbitzariak, alargunak, gaixoak, emakume askeak eta ohaideak, besteak beste.
Udalerriko historian zehar emakumeek bete duten papera ezagutaraztea izan da Getxoko Udalaren beka bati esker egindako argitalpenaren helburua. Cristina Ayuso historialariak landutako ikerketa horren gaia “Lehenengo emakume getxotarrak. Emakumeak Getxoko historian (XIV-XVII. mendeak)” izan da. Beka horren gakoa emakume getxoztarrek historian zehar, edozein alorretan, bete izan duten paperaz datu berriak argitaratzea edota datu jakinetan sakontzea izan da, “bizitza kultural, ekonomiko, sozial edo politikoan egin duten ekarpena berreskuratzea eta ezagutzera emate aldera, mendeetan baztertuak eta isilaraziak izan direlako”, azaldu du prentsaurrekoan Keltse Eiguren Berdintasun zinegotziak. Argazkian, Cristina Ayuso historialaria eta Keltse Eiguren zinegotzia liburuaren aurkezpenean / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun