Getxo udalerriko Bizarra Lepoan euskara elkarteak antolatuta, atzo, asteartea, "Irrien lagunak" ikuskizuna eskaini zuten Areetako Xake plazako karpa pean Porrotx eta Marimotots pailazoek. "Izugarria izan zen, 2.500 bat lagun batu ginen karpan", adierazi dute Bizarra Lepoaneko lagunek. Bi saio eskaini zituzten. Bide batez, horiek prestatzen lagundu dituzten elkarte zein norbanako guztiei eskerrak emateko aukerarik ez dute galdu nahi izan euskara elkarte getxoztarreko kideek: "UKTEST txalaparta elkartea, Lauaxeta AEK, Kukupraka ludoteka, UKBERRI.NET agerkari digitala, Getxoko Udala, Garazi, Maria, Maialen K., Kepa, Andrea, Irune, Peio, Maialen A., Ainhoa, Iñigo, Luzia, Karlos, Ziortza, Irantzu, Rozio, Iñaki eta Lander. Ezin izango genukeen hau guztia aurrera eraman zuen laguntza barik. Bihotzez, eskerrik asko!". Argazkian, Bizarra Lepoaneko hainbat kide zein laguntzaileetako batzuk atzo Porrotx eta Marimototsekin / cc-by-sa Bizarra Lepoan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun