Larunbat honetarako, irailak 18, Araba, Bizkaia eta Gipuzkoako hiriburuetan deitutako manifestazioak debeka ditzala eskatu dio Eusko Jaurlaritzaren Herrizaingo Sailari PPk. Asteartean atxilotutako Erika Bilbao eta beste zortzi euskal herritarren senideek deitu zituzten martxak, atzo Donostian egindako prentsaurrekoak. Carlos Urquijo legebiltzarkidearen arabera, ordea, "manifestazioak ez dituzte benetan atxilotuen familiarrek deitu, legez kanpo utzitako Amnistiaren Aldeko Mugimenduak baizik, Herrizaingo Sailari eta Zuzenbide Estatuari egindako milagarren pultsuan". Horretaz gain, "dauden aurrekariak kontuan hartuta, istiluak eta terrorismoari gorazarre delituak" suerta daitezkeela dio Urquijok. Horri helduz, "duda-mudatan ez egotea eta erradikalei muga jartzeko erabakiari tinko eustea" eskatu dio Rodolfo Aresi, "larunbat honetan euskal hiriburuetako kale nagusiak har ez ditzaten". Bilboko manifestazioa 17:30ean abiatuko da Jesusen Bihotzetik. Argazkian, atzo Erandion egindako elkarretaratzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun