UK Martxako egitaraua:
Irailak 17, ostirala
18:30 Harrera ekitaldia (Erandioko metroko plazan)
19:30 Palestinaren inguruko hitzaldia (Leioako Bulebarrean)
21:00 Afaria.
22:00 Drogen inguruko solasaldia.
Irailak 18, larunbata
08:00 Diana.
08:30 Gosaria.
09:30 Makroaraztegiaren inguruko hitzaldia (Lamiakoko plazan)
10:30 Euskal Estatuaren bideragarritasuna (Itzubaltzeta / Romoko Santa Eugenia plazan)
12:30 Hamaiketakoa (Algortako Portu Zaharrean)
13:15 Gazte Tribiala (Algortako Teilagorri plazan)
15:15 Gazte bazkaria (Azkorrin)
17:30 Maskulinitate eta feminismo tailerrak (Berangon)
21:00 Afaria.
02:00 Gazte mugimenduaren bilakaera.
Gero... gaubeila.
Irailak 19, igandea
08:00 Diana.
08:30 Gosaria.
09:30 Gazteria eta errepresioa (Sopelako udaletxe plazan)
13:00 Ekitaldia (Plentziako 21 plazan)
15:00 Bazkaria.
17:00 Kontzertuak eta erromeria.
Guaitorock 2010 jaialdiaren egitaraua:
Irailaren 17n abiatuko da, ostiralarekin, 18:00etan, Ertz talde getxoztarrarekin. Ondoren, Bertan Bera (Gernika), Itaka (Zumaia), Napalm (Getxo), Dabelyu (Bilbo), Niketz (Etxebarri), Alerta (Durango) eta OST (Bermeo) taldeak arituko dira. Larunbatean, irailak 18, Autosecuestro (Getxo), Hotsak, El Paso Killers eta Amargor (hirurak Bilbokoak), D.A.R. (Getxo), Alimaña HxC (Soria), Distorsión (Barakaldo), Thunda Clap Sound System (Getxo) eta Prince Livijah eta Chieftain Joseph (Erresuma Batua) izango dira. Igandekoa, arratsalde akustikoa izango da Happy Morgue (Bilbo) taldearen “unplugged” kontzertuarekin. Giroa txarangarekin alaituko dute eta perkusio tailerrak izango dira. Iluntzean, jaialdia itxi aurretik, reggae gau-emanaldia izango da berriro Thunda Clap Sound System taldearekin.
UK Martxak eta Guaitorock musika jaialdiak bihar emango diete hasiera euren egitarauei. Lehenengoari dagokionez, gazte jardunaldi independentistekin ireki zuten bideari jarraituz, "independentziaren eta sozialismoaren aldeko indarrak biltzen jarraitzeko helburuarekin" egingo dituzte ekimen ezberdinak (hitzaldiak, tailerrak, jolasak, bazkariak...), hiru egunez, antolatzaileek adierazi dutenez. Hartara, Euskal Herri osoan zehar egin diren eskualdeko martxei lekukoa hartuko diote Uribe Kosta eta Erandion. Altzagan hasi eta Plentziarainoko ibilbidea egingo dute, igandera bitartean. Horren gaineko xehetasunak eman dituzte antolatzaileek Koska irratian grabatutako solasaldian (mp3). Musika jaialdiari dagokionez, aurtengoa da egiten den lehenengo edizioa. Getxoko Andra Mari kiroldegiko aparkalekuan Euskal Herri osotik zein Erresuma Batutik heldutako hamarnaka talde arituko dira asteburu osoan zehar, 18:00etan hasita, nahiz eta Getxoko PSE-EEk festibala tokiz aldatzea eskatu. Musika emanaldietara joateko egunean bertan, karparen sarreran, eskuratu beharko dira txartelak. Hiru egunetarako bonoak 5 euro balioko du eta egun bakarrekoa 3 eurotan izango da. Argazkian, duela bi urteko UK Martxako irudi bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun