Proiektuak garraio jasangarria bultzatuko du, aipatutako tokietara heltzeko autoen erabilera murriztuko duelako. “Garraiobide publikoa izango da, ez kutsakorra, erosoa eta arina”, adierazi zuen Landak. Era berean, aipatu zuen “proiektua ez dela jarduera isolatua, baizik eta Getxo modernizatzeko prozesuaren barrukoa, Ereagako igogailua, Bidezabalgo eta Salsiduko sarbide mekanikoak eta Villamonteko eta Aiboako igogailuak bezalako errealitate zoriontsuak bezala, hamaika getxotarren bizitza errazago eta erosoago egiten dutenak”.
Beste ezaugarri batzuk
Igogailuek 28 metroko manda gaindituko dute: lehenengoak (Arenetik Euskal Herria kaleraino) 12,5 metrokoa, bigarrenak (Euskal Herria kaletik J.B. Uribarrira) 9 metrokoa; eta hirugarrenak (J.B. Uribarritik Alangora) 7 metrokoa. Kristalezkoak izango dira, egitura modernoa, argiztapen propioa eta zaintze sistemarekin. Aldi berean, 3 eskailera zatik osatutako oinezkoentzako ibilbidea egiteko lanak ere egingo dituzte. Joseba Arregi zinegotziak esan zuenez, “mota honetako igogailua jartzea erabaki da, mantentze eta ekonomi arrazoiez gain, Aiboan dagoen kremailera moduko igogailua ez zelako teknikoki posiblea. Gainera, irisgarritasunarekin zerikusia duten gainontzeko proiektuekin egin den bezala, oraingoan ere FEKOOR minusbaliotasun fisikoa edo organikoa duten pertsonen federazioaren oniritzia izan du“. Lanen aurrekontua 1.585.000 eurokoa izango da, Espainiako Gobernuak diruz lagunduta.
Algortako Arene kaleko lur azpiko trenbide pasabidea eta Alango arteko hiru igogailuak 2011ko hasieran martxan egotea espero du Getxoko Udalak. Besteak beste, 2008ko irailean zabaldutako osasun etxe berrira errazago iristea ahalbidetuko dute horiek. Igogailu bakoitzak 16 lagunentzako tokia izango du eta Arene, Euskal Herria, Juan Bautista Uribarri eta Alango kaleak lotuko ditu. “Jarduera horrek komunikazio bide berria, zuzena eta erraz heltzekoa zabaltzea ekarriko du. Izan ere, 7.000 bat bizilagun dituen udalerriko beheko partea eta osasun zentroa dagoen Algortako goiko aldea lotuko ditu, anbulatorioa zabaldu zenetik inguruko auzokideek agertu duten eskariari erantzuna emanez", Imanol Landa Getxoko alkateak atzoko prentsaurrekoak azaldu zuenez (mp3). Gainera, beste zerbitzu batzuetara ere heldu ahal izatea ahalbidetuko dute igogailuek: udaletxera, Justizia Jauregira eta Ogasun Sailaren bulegora, besteak beste. "Azpiegitura mekaniko berria inguruko auzokideen eguneroko bizitzarako ezinbesteko bihurtuko da, bereziki mugitzeko arazoak edo seme-alaba txikiak dituztenentzat”, azaldu zuen udal agintariak (mp3). Argazkian, igogailuak jartzeko egiten ari diren obrak / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun