Bestalde, aste osoan zehar Bizibideak egiteko aukera egongo da, Leioako txoko esanguratsuenak oinez edo bizikletaz ezagutzeko helburuarekin egin diren ibilaldiak, alegia. Horretaz gain, Leioako Udalak atxikitze gutuna ere sinatu du aurten. "Horrekin hainbat konpromiso hartzen ditu udalerria hobetzeko, iraunkorragoa eta jasangarriago eginez", aipatu dute udal arduradunek. Konpromiso horien artean jarri dituzte Udalak kaleetan egiten dituen hobekuntzak zein bidegorri sarearen luzapena.
Irailaren 22ko egitaraua:
Sabino Arana kotxeentzako zarratuko da eta oinezkoek hartuko dute kalea.
- 10:00etatik 12:00etara, patinak kalean.
- 12:30ean, kaleko dantza, Andoni Aresti dantza eskolako ikasle zein irakasleen eskutik.
- 17:00etatik 19:00etara, patinak kalean.
- 18:00etan, kale antzerkia: La Route.
- 19:00etan, kale antzerkia: La Route.
- 19:20an, kaleko dantza, Andoni Aresti dantza eskolako ikasle zein irakasleen eskutik.
Hilaren 22ra bitartean, Europako Mugikortasun Astearekin bat egingo dute hainbat Udalek, horien artean Leioakoak. "Helbururik garrantzitsuena herritarrak garraiobide iraunkorragoak erabiltzera bultzatzea da; esaterako bizikleta edota oinez ibiltzea, ohiko autoa erabiltzearen ordez", azaldu dute tokiko iturriek. Guzti hori herritarrei helarazteko eta astea behar den bezala ospatzeko, Leioako Udalak hainbat ekintza antolatu ditu non kirola eta musika ez diren faltan izango. Bihar, larunbata, oinezkoen martxa (pdf) egingo dute goizez eta zinema saio bikoitza egongo da arratsaldez arratsaldez. Igandean ere zinema izango dute. Gainera, asteburuan zehar, Leioako kaleetan barrena ibiliko dira hainbat musika banda, Musikale jaialdia dela eta. Asteazkenean, berriz, Sabino Arana kalea kotxeentzako zarratuko dute, oinezkoek hainbat jarduerez goza dezaten. Argazkian, bidegorria Leioan / © Leioa.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun