Jokabide polizial honek, PSOEren Gobernuak Euskal Herrian daraman eskubide zibil eta politikoen urratze politikaren barruko beste adibide bat baino ez da, zeina, Rubalcaba Barne ministroak egindako adierazpen ez gezurtatuen arabera, PNVrekin era koordinatuan burutzen den.
Egunetik egunera gero eta argiago dago, herritar gehienentzat, Euskal Herrian eskubide zibil eta politikoak egunero bortxatzen diren salbuespen egoeran bizi garela.
Horregatik, eskubide zibil eta politikoak errespetatuko diren eta alternatiba politiko guztiak, babes nahikoa badute, defendagarriak eta gauzagarriak izango diren sistema demokratiko baten lorpena behar-beharrezkoa da.
Uniformez eta kalez jantzitako Guardia Zibil eta Ertzaintzaren hedatze izugarriak okupatu zuen Leioa 2010eko irailaren 14an, asteartea, eguneko lehenengo orduetatik, herriko erdialdearen bizitza zibil eta komertziala era nabarmenean oztopatuz. Arrazoia, gure kide Erika Bilbaok dituen jarduera politikoengatiko atxiloketa eta Kurkudi Kultur Elkartearen miaketa. Indar polizialen presentziaz ohartarazita, Kurkudiren langile baten agertzeak galarazi zuen bere asmoa zen atea leherraraz zezatela indar polizialek. Nahiz eta ezelako agindurik ez agertu, 7 ordutan zehar ibili ziren lokala arakatzen, tabernaren zerbitzuak erabiltzen (ordaindu gabe, noski), eta handik eraman zituzten bideokamera bat, zenbait tresna eta lokalaren langileen armairu aparte utzitako 2.850 euro, hainbat faktura ordaintzeko zena. Bulegoetatik pankartak, kartelak, esku-orriak, liburuak, lanabes informatikoak, hainbat tresna eta herri elkarte baten dirua eraman zituzten. Azkenean, miaketaren akta sinatzeko lotsagabekeria eduki zuten, irakurtzeko baimenik eman gabe eta miaketa bera ikusi gabe, eragotzi baitzuten. Argazkian, Kurkudi herriko tabernaren miaketak utzitako irudietako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun