Alangon alokatzeko etxebizitzetatik 133 45 eta 75 metro koadrokoak izango dira eta beste 18, berriz, 75 eta 115 metro koadrokoak. Bost urteko eperako alokatuko dituzte. 15 urte igaro ondoren babes ofizialeko etxebizitza bezala erosteko aukera emango dute. Landak adierazi zuenez (mp3), “etxebizitzak lortzeko bidean asko egin behar dugu, baina hauxe oso urrats garrantzitsua izango da, gehien bat gazteei zuzenduta baitago; etxeak alokatzeko direlako eta txandakako izaera duelako ekimenak eta horrek dauden bitartekoak maximizatzen dituelako”. Proposamenaren arabera, enpresa esleipendunak eraikiko ditu etxebizitzak, alokairuak gutxienez 15 urtez gestionatu eta ondoren babes ofizialeko etxebizitzak bezala gainontzeko azalera-eskubidea saldu. “Konbentzituta gaude osoko bilkurara eramango dugun proposamenarekin bere interes orokorra eta bere ezinbesteko errentagarritasun ekonomikoaren arteko beharrezko oreka bermatzen dela, horren guztiaren garapena posible egingo den enpresen nahitaezko partaidetza 2011rako lortze aldera”, esan zuen alkateak (mp3).
Ezaugarriak
150 etxebizitzetatik 29 gela batekoak izango dira; 104k bi gela edukiko dituzte eta 18k hiru edo lau. Guztiek edukiko dute garajea eta trastelekua. Pisu hauetako bat lortzeko baldintzak eta irizpideak Eusko Jaurlaritzaren arautegiaren araberakoak izango dira, erroldatzeari dagokiona izan ezik. eskatzaileak edo bizi-taldeko kide batek Getxo udalerrian gutxienez 3 urtez jarraian edo azken 10 urteotan 5 urtez erroldatuta egon behar izango du. Udalak eskatzaileen zerrenda kontrolatu eta enpresa esleipendunari emango dio. Etxebizitzak zozketa bidez banatuko dira.
Algortako Alango aldean gutxienez 150 etxebizitza alokairuan eraikitzeko lehenengo urratsa emango du hilabete honetan Getxoko Udalak. Pisu horien %60a 35 urtetik beherakoentzat izango da. Iraileko ohiko osoko bilkuran Alangoko bi oruberen 75 urtetarako emakida eztabaidagai izango du Udalbatzak. Eraikuntza lanak 2011n hasi eta horien iraupena 24 hilabetekoa izatea aurreikusi dute Udalekoek. Jarduera hori EAJren gobernu taldeak eta PSE-EEk egungo legegintzaldirako adostutako Etxebizitza Plangintzaren barruan sartzen da, tokiko iturriek adierazi dutenez, eta hiri lurzoruan 5 urteko epean aurrera eraman behar diren babes ofizialeko promozio publiko eta pribatuak bultzatzea aurreikusten du. “Etxebizitza plangintza hau, gazteentzat alokatzeko pisuei lehentasuna emateko konpromisoa agertu nuenean aurkeztu nuen eta gaur konpromiso horren lehen pausua kaleratzen ari gara. Hala ere, ez gara hor geldituko eta ondorengo hilabeteotan babespeko etxebizitzak bultzatzeko ekimen gehiago aurkeztuko ditugu”, azaldu zuen atzo Imanol Landa alkateak (mp3). Argazkian, etxebizitzak eraikiko dituzten lurzorua, atzean osasun etxea dutela / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun