Ikusi Sopela.net agerkari digitalak zabaldutako bideoa:
Astearte goizaldean atxilotutako Erika Bilbao eta gainontzeko zortzi lagunek "tortura basatiak" jasan zituztela adierazi zioten Fernando Grande-Marlaska Espainiako Auzitegi Nazionaleko epaileari. Hala ere, guztiak Soto del Realen (Madril, Espainia) espetxeratzea erabaki zuen magistratuak. Amnistiaren Aldeko Mugimenduak salatu duenez, besteak beste ondokoak izan dira atxilotuek jasandako torturak: "poltsa askotan egin diete; kolpeak asko eman dizkiete; denbora guztian mozorro batekin estaliak izan dituzte begiak; neska baten kasuan jazarpen sexual izugarriak egon dira; bizitza pertsonalarekin asko sartu dira, mehatxuak eginez bikote eta familiaren kontura; biluzketak, bortxaketa simulazioak; elektrodoen simulazioa; gela ilun batean eduki dituzte; besteei egindako galdeketa eta torturak entzunarazi dizkiete; esteril uzteko mehatxuak egin dizkiete; makurrarazi eta zutituarazi egin dituzte behin eta berriz; goma-aparrarekin gorputza bildu, soka batekin eskuak lotu eta poltsa egin diote bati...". Argazkian, atzo ehunaka lagunek egin zuten manifestazio Bilbon / © Bilboko Branka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun