AAMk plazaratutako oharra:
Pasa den ostiralean Mikel Karrerak zuen bisita amaitu ondoren biluztu eta ahoa irekitzeko esan zioten. Mikel ukatu egin zen ahoa irekitzera eta beraz espetxezain gehiago etorri ziren, eskuburdinak jarri zizkioten eta lurrera bota zuten belarri ondoan, masailezurrak elkartzen diren lekuan behatza sartuz, minez ahoa ireki zezan. Irekitzen ez zuenez eskuin eskuan burbi batekin jo zuten eta garrasi egin zuen ahoa irekiz. Mehatxuka bere ziegara eraman zuten. Bisitan joan zitzaion senidea bertan eduki zuten 25 minutuz.
Espetxe honetan dauden neskak ere gose greban sartu ziren hilaren 9an, espetxean ematen ari den jazarpen egoera amaitu dadila aldarrikatuz.
Atzo, larunbata, Poitierseko (Frantzia) espetxeraino gerturatu ziren bertan irailaren hasieratik gose greban diren Saioa Sanchez Iturreta berangoztarraren eta gainontzeko hiru euskal preso politikoen senide eta lagunek. Izan ere, zuzendaritzarekin hitzordua eskatua zeukaten Etxerat elkarteko ordezkariek. Udan zehar beraien aurkako "jazarpena" areagotu dela salatu dute lau presoek. Amnistiaren Aldeko Mugimenduak adierazi duenez, espetxezainen eskutik "bortizkeria eta tratu umiliagarriak" jasotzen dituzte, eta gorputz miaketekin, zigor ziegekin eta isolamenduekin zigortzen dituzte. Horregatik, "probokazio eta tratu txar eta umiliagarriekin" bukatzeko eskatu dute. Argazkian, elkarretaratzea Poitierseko espetxean / cc-by-sa Askatu.org.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun