Hainbeste gauza falta diren leku horretan bizi da maitasuna. Mendiak mugitzen ditu, itsasoak zeharkatu, poemak idatzi, kantak abestu eta lantzean behin zerraldo erortzen da lurrera, mozkorturik eta zoriontsu. Horregatik bizi da mendi magalean bizitzera lotu beharrean mendia mugitzearekin amets egiten duenarekin. Ameslaria mendi gailurrera heltzearen ilusioak ernetzen dituen loreez osaturik dago, ez igo beharreko aldatsaren harri, sasi, arantza eta odolez. Guztiok gutxiesten dugunari balioa emateko ikasgai magistrala ematen duen substantzia zabaltzen dio gorputzera bihotzak. Plentziako itsasadarraren lasaitasun barea, urteek ondutako olatuengandik babesteko harresiaren babesa. Itsasoa landa luze eta zabala baino ez da, Domitxineko laborarien belar-metek bela eta arraunak dituztena.
Baina hau ez da ipuin erromantiko bat. Hau gerra kronika bat da. Hildako, torturatu, bahitu, elektrodo, deportazio, berun eta Zentral Nuklearrekin.
Preso, errefuxiatu, deportatu eta iheslarien gaia estatuarekin itun politiko bat eduki ostera arte atzeratzeak berebiziko giza baliabideak galdu arazten dizkigu. Estatuak hamarkadetako informazioa pilatzen duen jendea dauka erabaki esparruetan. Guk ere badaukagu jende hori, non dauden da arazoa.
GITE, Josu Martinez eta Txaber Larreategik egindako lanari esker altxor handi horren zati bat jaso dugu. Bada garaia euskal gatazkaren ikus-entzunezko historiak ispiluaren beste aldea erakuts dezan.
Fredi Paya bertsolari algortarrak pasa den ostiralean "Berria" egunkarian argitaratutako artikulua.
[© Fredi Paya - Berria.info] Ametsak betetzen diren leku bat badago, denbora bat, deserrian bizi denarentzat denbora lekua baita. Sasoi ezberdinak leku ezberdinak dira. Eta denbora horretan, toki berezi horretan bizi denak gauza asko utzi behar ditu atzean. Besteontzat berezkoak direnak, egunerokoak, hain ohikoak ezen antzeman ere ez ditugun egiten. Horregatik ez daude ametsak betetzen diren munduan, inori ez zaiolako horiekin amets egiterik bururatu. Ametsak betetzen diren mundura denbora iritsi arte. Neguan sagarrondoak inausi, udaberrian menduak egin, udan gerizpeko lo kuluxka, udagoienean sagarra batu, San Sebastian egunez sagardoa edan, nahi dugunero elkar ikusi... Argazkian, Kristiane Etxaluz eta Alfontso Etxegarai: © GITE-Ipes.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun