Deialdi horrekin 45 bat kontratazio berri sortzea aurreikusi dute. Eskaerak egiteko epea azaroaren 19ra arte egongo da zabalik. Iaz 51 langabetu kontratatu zituzten. Bestalde, udalerriko merkataritza eta ostalaritza sektoreetako enpresek prestakuntza eskaintza zabala izango dute eskuragai, erakusleiho-apainketatik edo salmenta puntuko animaziotik hasita, merkataritza Interneten bidez edo merkataritzako publizitate eraginkorreraino. Bestetik, udalerriko langabetuek aukera izango dute informazio hitzaldietara joateko eta euren prestakuntza hobetzeko. hainbat prestakuntza saio laburrei esker: Merkataritza Legedia, Kalitatea, Bezeroari Arreta edo Salmentarako Teknikak, besteak beste. Pertsonei prestakuntza eskaintzeko aurrekontua 15.000 eurokoa da.
Enplegu topagunea
"Merkataritza eta ostalaritza enpleguarekin" lelopeko kanpaina urriaren 22an Algortako Fadura kiroldegian egingo den enplegu topagunearekin indartuko dute. "Jardunaldi ikusgai eta erabilerraza izango da hurrengo hilabetetan langileak hartu behar dituzten enpresa guztientzat, eta merkataritzan eta ostalaritzan lan egiteko prestakuntza lortu nahi duten udalerriko pertsona guztientzat", azaldu dute udal iturriek. Halaber, enpresek behar dituzten langileak hartu ahal izango dituzte aldez aurretik, inolako kosturik gabe, Getxolanen talde teknikoak egindako aurre-selekzio bati esker; eta azkeneko elkarrizketak egiteko gune bereziki egokitua izango dute. Azken urte hauetan horrelako jarduera batzuk, osasun, garbiketa eta merkataritza sektoreak dinamizatzeko egin dituzte. Azken topagunean, orain dela urte bete, 22 lanpostu kudeatu zituzten 16 enpresentzat. Enplegu topagunea egin ahal izateko 15.000 euro aurreikusi dituzte.
Imanol Landa alkateak gaur adierazi duenez (mp3), "Udala oso lan garrantzitsua egiten ari da sustapen ekonomikoaren arloan eta, batez ere, udalerriko merkataritza eta ostalaritza sektoreak bultzatuz". "Lan hori gauzatu da, esaterako, Getxoko merkataritza, ostalaritza eta aisialdia dinamizatzeko planean; merkataritza mahaia martxan jartzean; merkataritza guneetan jarritako argiztapen berria, zolatzeko obrak eta peatonalizazioan edo edukiontziak lurperatzean, hala nola, lekuz aldatzea, merkatariek hala eskatuta", gaineratu du. Halaber, Landak gogoratu ditu “Getxo, shop & fun” kanpaina; Udaltzaingoan jarritako Merkataritza Unitate berezia; terrazen inguruko arautegi berria; merkataritza lokalak etxebizitzak bihurtzekoa; merkataritza berdearen proiektua; eta udalerriko txikizkako dendatan lan egiten duten langileei eskainitako prestakuntza.
Merkataritza eta ostalaritza suspertzeko 120.000 euro gastatuko ditu Getxoko Udalak
Getxolan zerbitzuaren bitartez, "Merkataritza eta ostalaritza enpleguarekin" lelopeko kanpaina martxan jarri du Getxoko Udalak, "udalerrian hain garrantzitsuak diren bi sektore horiek dinamizatzeko asmoz". Ekimena Getxoko ekonomia sustatzeko eta dinamizatzeko Ez Ohiko Planaren barrukoa da. Kanpainan 120.000 euro inbertituko dituzte. Hiru ardatz nagusitan oinarritzen da: diru-laguntzak, prestakuntza langabetuentzat zein enpresentzat eta enplegu topagunea. Subentzioei dagokienez, Getxoko Udalak 90.000 euro inbertituko ditu tokiko enpresek bertoko langabetuak kontratatzeko. Helburua da, batez ere, sektore horietan enplegua sustatzea Gabon eta merkealdien kanpainei begira, Aitor Soloeta Sustapen Ekonomiko eta Enplegu zinegotziak aipatu duenez. Diru-laguntzak 2.000 eurokoak izango dira jardun osoko lanpostu berri bakoitzeko, 3 hilabete edo gehiago izango duten kontratuetarako. Argazkian, gaurko prentsaurrekoa / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun