EuskoTrenek Leioako kotxetegietako langileak kaleratuko dituela diote sindikatuek

Urriaren 4, 13, 18 eta 25ean lau orduko lanuzteak egingo dituzte EuskoTren garraio enpresa publikoko langileek. Izan ere, horrela erabaki du tren eta autobus konpainia publikoko enpresa-batzordeak, "lan-baldintza okerren aurka protesta egiteko eta enpresako lanpostu guztiak mantentzea eskatzeko". Enpresa-batzordeak prentsa-ohar baten bidez jakinarazi duenez, aipatu egunetan goizeko 8etatik 10etara arte eta 18:00etatik 20:00etara arte lanuzte partzialak egitea erabaki dute "aho batez". Era berean, "kontratu asko berrituko ez" dituztela dioten "zurrumurruen" eta "Leioan eta Gasteizen lanpostuak murriztea aurreikusita" egotearen aurrean, enpresako zuzendaritzari "premiazko" bilera bat eskatu diote "konpainiako arazoak eztabaidatzeko eta elkarrizketaren bidez irtenbide bat bilatzeko". Udondon daude EuskoTreneko autobusen tailer eta kotxetegiak. Argazkian, EuskoTreneko autobusa Areetako Bizkaiko Zubiko plazako geltokian / © EuskoTren.